Maths preparation for SSC,IBPS,UPSC..

Maths preparation for SSC,IBPS,UPSC..

Friends bahut se students ko maths se problem hoti hai aur kafi nervous rhte hai jaise exam mai kabhi questions tuff lagte hai ya time kam lagta hai to questions rah jate hai. Lekin ye baat bhi sahi hai ki humari khud ki galtiyacrhti hai ya to humne utni practice nhi ki ya humari tayaari ki strategy galat hai.Agar aap sahi tarah se hard work kare to achhe marks laye ja sakte hai.Sabse pehli cheej hum apne time ki keemat samjhe aisa nhi ke mere dost graduation ke baad xyz institute mai tayaari ke liye admission le rhe hai to mai bhi admission lu ya mere dost fala fala exam ki tayaari kar rhe to mai bhi karu. Suppose aap tayaari start bhi kar dete ho aur aap ko interest nhi hai to aap apna time na waste kre turrant skip kar de.Sabse important cheej hai tayaari ke lite jo important hai  Interest aur Junoon agar hai to ye exams aap he ke liye hai.Chaliye start krte hai kaise maths prepare kiya jaye.

Right Strategy is very important..

Agar aap kisi bhi competitive exam ko face krte hai to ye baat apne mind mai rkhe ki 12th ke marks ya College ke marks kutch importance nhi rkhta apki yojnabadh tayaari he apko achhe marks dela skti hai.Math mai bahut se topic aise hoti hai jo hume easy lagte hai  unki jitni zyada aap practice kar sakte hai kare iske liye different reference books ya internet ka use kar sakte hai apko bahoot se questions mil jayenge.Ek he topic par bahoot se questions mil jaye to unki list banaye aur clear kare.Jaise aap kahi coaching jaa rhe hai to maths class mai jo topic chal rha hai aur apko achhe se samajh nhi aaya to koi baat nhi lekin aa gya to jaise maine kha ki questions ki list banaye aur clear kare isse confidence badhega Ab baat ye aati hai ki tuff topics ka kya kare to iske liye aap ncert ke 8,9,10 level ki math books prefer kare aur un questions par research kare base ko samjhe ,basic level questions solve krte krte hard level par aaye  mujhe viswaas hai ki bahut se tuff topics clear ho jayenge.Aap apne kisi senior ki bhi help le sakte hai.

Speed important hai but questions sahi attempt kare

Maths preparation mai sabse jada important hai calculation. Apko ye jaankar surprise nhi hona chahiye ki 80% students ki calculation weak hoti hai aur question solve karne mai time bhi zyada lete hai but kutch students achhi practice se is kami ko sudhaar lete hai dekha aapne baat phir practice ki aa gyi.
Calculation mistake ki ye habit hume school time se he rhti hai ,aisa isliye kyoki hum school time mai jab koi naya chapter start krte to formulae par focus krte hai aur kutch thodi bahot practice ke baad aage chal dete hai jabki humari weakness to calculation hai. Mostly students ko formula yaad rhta hai phir bhi marks kam kyo aate calculation mistake ki wajah se.Competitive exams  mai isi  par dhyaan dena chahiye. Bahoot  se students mai ye bhi ek kami hoti hai ki wo jaldi question solve karne ke chakkar mai mistake krte hai aur unka answer galat aata hai.Is baat ka dhyaan rkhiye ki hume jaldi karna hai but galat nhi.Bahot se students ke sath aisa hota hai ki jaha unke continuously 2-3 questions ka answer galat aaya to aage unhe sab kutch tuff lagne lagta hai.Jaldibaaji mai mistakes bhi jada hoti hai aur time bhi khatm hone lagta hai.Questions ko step by step solve kare,correct solve karne ka ek he tarika hai hum question ko samajhna sikhe.Log kehte hai ki sawaal mai jawaab chhipa hota hai bilkul sahi kahte hai.Practice he sabse essential hai tayaari ki liye Short trick naam ki koi cheej nhi hoti,kyoki jab hum exam hall mai rehte hai to ye psychological hai waha koi trick yaad nhi aayegi jab bhi solve karenge aap  step by step question padh ke he karenge.

Answer  Guess Na Kare...
Is baat par humesha dhyaan dijiye ki aapne chahe kam he questions attempt kiye ho lekin sab sahi ho.Competitive exams mai negative marking to hoti he hai isliye jo bhi question solve kare exact calculation ho aur sahi answer aaye to he attempt kare.Kutch students questions jaldi solve karne ke chakkar mai ya galat formula ki wajah se apna answer option ke nearest samajhkar tick kr dete hai joki galat hai,exams mai answers guess nhi krna chahiye. Kutch students bahut kam questions kar paate hai to time khatm hota jaankar bhi answers guess karne lagte hai Aisa hume bilkul  nhi krna chahiye.
Sahi planning ke sath agar aap math portion ke practice karenge to aapke selection ki probability badh jayegi.

Career in Multimedia and Animation

Dear Friends,
Aaj hum baat kar rahe hai animation aur multimedia ki jiski demaand Television, Games, Mobile aur Filmo mai bahut jada hai. Agar aap virtual images ki duniya experience krna chahte hai aur aap ko creativity pasand hai to ye field aap jaise students ke liye hai.Aapko creativity ko boost up krte hue kutch skills mai perfection lana hai.Aajkal Animation industry bahut teji se growth kr rahi hai ye samajh lo ki poore world mai aarbo dollars ka business hota hai.Animated movies ke liye bahut he advance technology ke computer hote hai aur ek movie ke liye kam se kam 300 animators ki jarurat hoti hai.Disney aur Warner brothers jaise company bhi ab animation aur multimedia ki outsourcing ka kaam India se lene lagi hai,technology ka bade scale par use kiya jata hai.

Salary package and Skill required..
Animation ka course kar lene ke baad aapko initially 15000-25000 tak ki salary offer hoti hai but after experience aap 1-2 lakh monthly kama sakte hai.Agar financially strong hai to aapko khud ka personal business  start kr lena chahiye jisme aap as a team leader kaam kr skte hai phir bhi without experience ye risk na le.Ab baat kare multimedia ki different level of courses aur experience ke basis par aap 15000 se 1 lakh monthly salary le sakte hai.Apna course complete karne ke baad aapko  Ad agencies, Movies and production houses etc mai apply karna chahiye. Agar aapne multimedia course kiya hai to aap graphic designer, web designer ki designation pe job aasani se mil jayegi.Sabse achhi baat ye hai ki mostly students ka placement institute se he ho jata hai ya phir kutch companies apni requirements newspaper mai bhi publish krti hai.Ye company candidate ka ek demo test lete hai aur kutch time ka personal interview.Kahne ka matlb ye ki aap ke liye dheroo job opportunities hai, India mai he nhi foreign mai bhi.

Courses ko jaane..
Ab baat karte hai ki kon kon se courses hai aur kya qualifications required hai.Sabse pehli cheej mai apko bata du ki apke ke under creativity honi chahiye, human and animals ke face expression par apki achhi samajh ho.Animation ke liye drawing, sketching, computer ki apko achhi knowledge honi chahiye. Ye  courses 6month se lekar 3 years tak ke ho sakte hai,mostly diploma courses offer krte hai , certificate course bhi available hote hai.In courses mai website design, introductory photography, graphic design, 2d&3d graphic, Photoshop and Visual effects aate hai.Agar aap degree ya certificate course mai admission lena chahte hai iske liye minimum qualification 12th hai. Post graduate diploma courses ke liye graduation jaruri  hai.Yadi aap bachelor in fine arts ya bachelor in animation kar lete hai to ye apke liye bahoot achha hoga.
Institutions jaha se admission le sakte hai...

• www.ftiindia.com
• www.xaviercomm.org
• www.mid.edu
• www.arena-multimedia. com
• www.saa.Ind.in

All The Best 👍

Friends apko mera ye article kaisa laga apki rai awsya de. Yadi koi suggestion hai to aap mujhe email kar sakte hai
My Email-sorav.mth@gmail.com

CAT(Common Admission Test) kare Qualify lekin kaise ..

Hello friends,
Aaj mai apko CAT exam preparation ke liye kutch batana chahta hu ki kaise hum tayaari kre aur kya strategy rkhe. Jaisa ki apko pata he hoga ki all over India se sabhi students ka selection IIM colleges aur dusre pratisthit management colleges mai isii exam ke basis per hota hai.Students ki psychological ye mind mai fit hai ki ye exam bahut tuff hai kyoki itni badi sankhya mai students exam dete hai aur seat bhi limited hai to mujhe lagta hai ki kafi students jo exam qualify nhi kar pate wahi students baki ko demoralize krte hai .Balki aisa nhi hai agar aap sahi strategy ke sath preparation kre to kutch mushkil nhi.

Cat mai Quantitative Ability, Verbal and Reading Comprehension, Data Enterpretation ye three section hote hai.In teeno sections pe apko bahut expert authors ki books market mai available hai.Cat exam mai total 100 questions puchhe jate hai jise apko 3 hours mai solve krna hai.Isme ek section complete krke he aap agle section pe jaa sakte hai.Is exam ke preparation ke liye meri rai mai at least 6 month ka time de to achha rahega aur bhi time diye ja sakta hai.Exam mai questions solve karne ke liye aap kya approach rkhte hai ye bahut jaroori hai kyoki limited time mai aapko paper solve krna hota hai. Apki success is baat par bhi depend krti hai ki conceptual clarity yani Maths aur English subject per apki command kitni hai matlb ek achhi practice ki jarurat hai.. Students ko jyada se jyada practice aur speed pe dhyaan dena hota hai. Conceptual clarity ke liye 9,10 CBSE ncert maths achhi books hai,waise preparation ke liye kaafi material internet per mil he jata hai.Agar exams ke liye 10+2 level ki Maths aur English ki book mil jaye to bahut achha rahega kyoki  mostly questions ussi mai se puchhe jate hai.Exam mai calculation ki baat kre to most of students ka ye portion weak hota hai kyoki 80% students calculation mistake krte hai aur ye cheej practice se improve hogi,jitni practice karenge utna calculation improve hoga.Reasoning portion mai speed bahut maayne rkhta hai aur ye  kafi scoring portion hota hai.

Sahi Institute,Sure Success

Agar aap preparation ke liye kisi institute ka selection krne mai confused hai to meri rai mai pehle ye dekhiye ki market mai itna competition hai ki bahut se institute 100% selection ka wada krte hai.Ye institute kisi bhi tarah se students ko enroll krna chahte hai,apko ye jankar surprise hoga ki kutch bahut kam fees aur kutch bahut jada fees lekar admission dete hai.Lekin jyada ya kam fee admission ki guarantee nhi hai.Mere anusar aap pehle 2or3 days demo class lijiye, apne seniors se uss institute ke baare mai consult kijiye.Kyoki kutch institute local cities mai achhe bhi hote hai.Career Launcher and IMS ye achhe institute hai jinpe aap trust kar sakte hai.

Positive najaria rkhe aur sahi approach...

Sabse pahli cheej aap ye samajh le ki apki success apki tayaari par nirbhar hai aur ye jaroori hai ek achhe college mai admission ke liye kyoki achha college wahi hai jaha se achhe package pe students ka campus se selection  hota ho.Bada package ek achhe college pe nirbhar krta hai.Aap ye to jante he hai ki success ka shortcut nhi hota ye to honestly mehnat se milegi.Agar aap ko meri baat samajh aa gyi to apko time table banane ki jarurat nhi balki jarurat hai ek junoon aur sahi strategy ki. Har exam mai success ke liye jaroori hai positive mind approach

All The Best 👍

Friends apko mera ye article kaisa laga apki rai awsya de. Yadi koi suggestion hai to aap mujhe email kar sakte hai
Mera email-sorav.mth@gmail.com

Librarian bhi hai ek achha career option....

Librarian bhi hai ek achha career option...

Agar aap books padhne ka sokh rkhte hai aur ye apki hobby hai to librarian ka career apke liye ek sahi option hai.Librarian ko sirf books tak he nahi simit rhna hai balki computer ka bhi knowledge jaroori hai aur iske sath sath creative hona bahut jaruri hai.Ek librarian ke pass knowledge ke sath he library mai sabke sath friendly behavior hona chahiye Technology ne library ko digitalized kar diya hai,technology ne is daur mai  librarian ko smart  aur sath he sath job ke different scope  create kar diye  hai.Aaj apko library mai aisi rare books, magazine, journals,interesting content milengi jo sayad ab market mai bhi na mile.Library mai books se lekar digital tak ka achha collection hona chahiye.

Ek librarian ke roop mai apke ke kaam mai perfection tabhi pata chalega jab aap kisi institute, school, college or public library ko join kare.Library work ko three categories mai divide kiya ja sakta hai

• User Service-Is department mai librarian ka karya hora hai ki user ko information uplabdha karate jo uske liye jaroori ho.
• Technical Service- Isme department ko information aur material tayaar krna hai jo visitors ke liye jaroori ho.
• Administrative Service- Librarian ki responsibility hoti hai ki library ka management dekhe sabhi section ke employees par dhyaan de.

Librarian kaise bane...

Iske liye aap after graduation kutch selected colleges se B.Lib kar sakte hai.Ye 1year course hai,Jise kisi bhi stream se graduation karne ke baad kiya ja sakta hai. Masters course in library science (M.LIB) bhi after  B.Lib kiya ja sakta hai .Kutch Institutes Diploma and Certificate courses bhi offer karte hai , jo 12th pass krke kar sakte hai.

Ye courses aap kisi bhi university se kar sakte hai jaise Rajasthan University, Delhi University, Annamalai University, Makhanlal chaturvedi national University, Aligarh Muslim University, Kota Open University etc.Aap chahe to distance learning program ke through bhi study kar sakte hai.Aaj librarian ke pass job ke behtar scope hai.Kisi bhi school,college,institute, public library aur government library mai librarian ki post ke liye apply kar sakte hai.Agar aap fresher hai to start private schools se kare ye bhi achha payment approx. 8000-20000 tak karte hai,iske sath he aap Kendriya vidyalaya,Novodaya jaise govt. Sector mai apply kre.

All The Best 👍

Friends apko mera ye article kaisa laga ,agar koi suggestion hai jaroor share kare mera email hai,
 sorav.mth@gmail.com. 

IQ badhaane ke khaas tarike.....

Aise badhaaye IQ ban jayenge special......

• Aap kisi cheej ko badi sawdhaani se dekhe ,samjhe aur parkhe.
• Hamesha Positive thinking rakhe. Ye IQ badhaane ki first step hai.
• Innovative content waali books compulsory padhe. Isse apki sochne,samajhne aur use amal mai laane ki kshmta ka vistaar hota hai.
• Apne dusre haath se likhne ka pryaas kare isse dusri tataf ka hissa aur active ho jata hai.
• Regular interval par group discussion mai participate Kare .Isse sochne,samajhne aur kuch different karne ke thoughts mann me aayenge.
• Jab bhi mauka mile Sudoku ya crossword ka jarur abhyaas Kare.
• Hamesha khuss rahne ki habbit daale.Shaadi,functions aur picnics mai jab bhi mauka mile shaamil ho.
•  Video games khelne se dimaag mai kutch alag aur nayi baate aur ideas aayenge.

Exams ka Funda

School Exams mai Achhe marks Kaise paaye.....

Hello Students,
Mera naam Saurabh Chaubey hai .Aaj mai aapko wo saari baate bata rha hu jo aapke  marks mai improvement laa sakti hai.Kya aapne kabhi socha ki aakhir kyo achhi tayari ke baad bhi hum expected marks nhi la paate, actually jarurat hai ek sahi strategy ki.Let's start aaiye jaane Kya hai  ye tarike...
Sabse pahle jis subject ki hum tayaari kar rhe hai unme unit wise ek strategy rkhe, jaise main topics ki list banye aur complete Kare, ye wo topics hone chahiye jo at least last ten years mai repeat ho chuke hai.Exam se one week tak sirf revision kare ,koi bhi naya question na sikhe kyoki hum jaise hebexam ka time pass aane lagta  hai hum wo sab bhi learn krte hai jo humne pehle kabhi nhi padha is tarah sirf hamara time waste hoga.

Ab jo mai aapko samjhane ja rha hu ye bahot important hai, so plz be careful..

Jab hum exam hall mai aate hai, apne mind ko koshish kare silent rkhe yaani kutch na soche. Ab jaise he aapko question paper mil jaaye to kabhi bhi questions ko na padhe matlab ki pura paper na dekhe , Actually hota kya hai ki jab hum fatafat questions ko dekhte hai to hamare saamne do baate aati hai ya to paper hume easy lagta hai ya tough is situation mai jo hume yaad rhta hai use bhi hum bhulne lagte hai. Saare questions ke answers humra dimaag khojne lagta hai. For example first question hum solve kar rhe hai aur fourth question ke baare mai soch rhe hai kyoki wo hume sahi se yaad nhi aa rha. Is tarah se mostly students first bhi sahi attempt nhi kar paate. Matlab yaha ye nikalta hai ki jo question hum solve kar rhe hai completely usi pe focus kare.

Kabhi bhi paper solve kare to last se start kare aap question number to mention karege he.Kya hota hai ki starting ke 10 questions 1 marks ya 2 marks ke hoge ,jo students weak hote hai wo apna 1 hr approx inhi mai laga dete hai aur last ke questions time khtam hone ke kaaran chhod dete hai jo ki jyada marks ke hoge.Last se start karne par hum bade questions pehle karte hai aur mind bhi ekdam fresh rhta hai sari cheeje yaad bhi aate hai ,agar time khatm hote hote 4 questions reh bhi jate hai to wo jyada marks ke nhi honge.
Friends agar aap apne aane wale school exams mai in baato ka dhyaan denge to I am sure apke marks mai comparatively change aayega.

All The Best 👍